Thangthat Hla Sa Usih
(Lyrics)
Key: E
[Verse 1]
Canaan ram thar panh in kan kal lio ah hin
Harnak phunkip kan ton hneksak zong kan ton
Chimhrinnak zong kan ton a har hringhran ee kan ti tawn
Siseh Jesuh sawm in a kalmi hna le
Bawipa i bochan in raldotu hna cu
Kan sung bel lo teinak he kan kal zungzal i
Teinak thluachuah sung he Canaan ram kan phan.
[Chorus]
Jordan a tartu hna kan i lawmhnak cu
Hmurkaa in chim khawh lo thangṭhat nun a si
Vawlei thluachuah kan co van thluachuah kan co
Ral ṭha in kan tan ca’h teinak lam kan zulh
Teinak cu Bawipa ta a si tiah kan au i
Hallelujah tiin thangṭhat hla kan sa.
[Verse 2]
Kamhmi ram ṭha panh in a kal mi hna cu
Tese ramcar kan ton tikha zong kan ding
Harnak tam ko hmanhseh lam a hruaitu cu kan Pathian
Vancung Mana kan ei Mimte zong kan ei
Darrul tarmi zoh in mizaw zong kan dam
Jordan tizong a reu ralṭha in tantu hna
Thluachuah mi ram kan phan kamhmi ram nuam cu.
[Verse 3]
Jordan varal tan in tikam dirmi hna
Thangṭhat nun kha ngei in kan lam lio ahhin
Harnak kan phan te lai ti kha philh loin kal usih
Lawmhnak kan ton caan le ngaihchiat ton caan zongah
Hruaitu Jesuh zoh in Jordan tan usih
Harnak phen i lawmhnak thluachuah nih a kan hngah
Ralṭha in kal usih kamhmiram phanh tiang.