Hling Luchin In Sui Luchin
(Lyrics)
Key: F#
[Verse 1]
Sual muihnak chungah, ka um ti hmanh hngalh lo
Mi kan unau hna hi zohhmanh, zungzal nunnak lam
Hngal lo an vah chin lai hi, na zaangfak lo maw lam hmuhsak dingin
Nang le kei hi Jesuh rovuih mi kan si i
An thlarau nunnak caah, nun pek kan herh;
Na chawva ui hlah Pathian pekmi a si kha hngal law
Nunnak an hngeihnak ca cun,
Jesuh fialmi rian kan upat a cu cang..
[Chorus]
Sual muihnak chungah a tlaumi vialte
Zungzal nunnak lei hun ratpi dingin
Jesuh Khrih ni ro ṭha tein a kan vuih tak
Bawipa tuukawm chungah him te’n an luh khawh ve nak dingah
Jesuh nih a kan fial tak i, kan nun chawva in Jesuh lawmhter usih..
[Verse 2]
A tlaumi tuu bang an mah duhnak lei ram
An pial dih hi hawidawt zoh hmanh, tuukawm in an hlat
Nak lei an vah chin lai hi, nun sia a rem lo-nun lam hmuhsaktu
Jesuh Khrih nih nang le kei fial mi kan si i,
Khrih ro a cotu ah nun pek kan herh
Bawipa ram caah, i thup hin hlah mu;
Khrih dawt kan sinak hi langhter a cu cang
Bawipa ram caah nun pe cio hna usih..
[Verse 3]
Maw a tlaumi hna Bawi Jesuh Khrih nih nun
Nem tein an sawm hna tiin, thlarau nunnak lam
Hngalh lo kan hawidawt hna hi, hmunkip ah kal in va thanh hna usih
Cu bang kan tuah cun, kan sui luchin dawhtertu
An si lai unau ṭhu sawhsawh ti hlah uh;
Jesuh ro cotu kan si cang caah nun pe chin usih
Hling luchin chinh hnu lawngin
Su luchin cu pennak ram ah kan co lai..