Kan Hlaw Siang Lo Fa Dawt
(Lyrics)
Key: G
[Verse 1]
Hringtu nu nih a fadawt cu
A tling lonak hngal ko buin
A chungchuak fadawt sinak in
Ai zoh thla thiam ee;
A sual palhnak hngal ko bu le
Hawi tluk lo mi si ko zongah
Cunglei rami dawtnak nih cun
A ngaihthiam kho ee.
[Chorus]
Nihin zumtu kan nih vialte zong
Kan Pathian caah
Tlamtling lonak le
Sual palhnak tampi
Kan ngei nain
A dawtnak vel sungin
A kutza a kan chanh ṭhan i
Kan hlaw siang lo fa dawt kan ngei
Thiam a kan ti.
[Verse 2]
A sual lio ah an tlaihmi nu
A minung hawi tahfung in cun
Thilak lungcheh ding dirhmun tiang
A phan ko nain;
Hmanhseh Jesuh vel sung nih cun
Minu palhnak hmuh ko buin
A hlaw siang kho hrim lo a sual
A ngaihthiam kho ee.
[Verse 3]
Kan tum van kanaan co dingah
Minung lei kap cun kan ṭang seh
Vawlei sualnak varal cu kan
Peh kho hrim lo ee;
Kan ṭhatnak ruangah si loin
Pathian dawtnak le vel lawng nih
Kan tum ram thluachuah co dingah
A kan ngaihthiam ee.