Riah Hmun Hau Leng
(Lyrics)
Key: F
[Verse 1]
Misual a kan dawt ruangah
Kan Bawipa Jesuh cu
Raithawinak ah a pum ai pe
Sual raithawinak cu hau lengah
An khangh tawn i
Cu ve bang hau leng leiah
Sersatnak le nihsawh tuar in
Kan sualnak phorhpiaktu cu
Chiatsernak thing cungah cun
An thlai maw.
[Chorus]
A inmi ningzahnak le
Minchiatnak tuar ve dingin
Amah sinah
Riah hmun hau leng panh usih
Cu lam zawh in cun misual
Khamhnak hmun kan phan lai i
Kalvary tlang
Vailam tah vanlam zul in
Kal hna usih
A tuarnak hrawmpi dingin.
[Verse 2]
Minung lungthin hngalh dih in
Sermi cung nawl a ngeitu
A bia kaa khat in mithi an tho
Khuaruahhar in dam lomi dam
Hna hmanhsehlaw
Mi vialte kan damnak ca’h
Khuaruahhar tuah lawng a za lo
Kan thlarau damnak dingah
Amah hmanh ai khamh kho lo
Hau lengah.
[Verse 3]
Sunpar peknak le hlorhnak
Jerusalem nakin
Sersat le zawmteih tuarnak hmun cu
Midang kan damnak ding caah
A rak i thim mu
Kei nih hmunsang ah kan kawl
Larnak le minṭhannak ah
Vawlei thluachuah in na mui
Hmuh kai timh mi dang damnak
Ruat loin.
[Verse 4]
Thinlung porhlaw ruam kai in
Keimah kan i tinak
Hmun cungnung in hau leng panh usih
An sersatnak hlingluchin le
Vailam hna khi
Kan i put dingtu an si
Amah nun kan hrawm ahcun
Riah hmun hau leng lei thluachuah
Hmuh ve a kan sawm mi hi
Kan phu maw?