Na Hnawng Hrih Ding Maw
(Lyrics)
Key: Ab
[Verse 1]
Na ruat kirsal ve lo
Lungkuai ih i taan hnu ah na hlo
Na duhmi tangsung ah
Thinnuam ten um ko aw
Seherh in i ruat hlah maw
Zingdang ah a fehtu nang hi
Na lamzin hril mi
Ka hrang tuarnak maw a rak si
Duhdawtnak thuanthu thar ngan lai ah
Zaan mangah na rung lang leh si.
[Chorus]
Tangdang ih na liam hnu
Hngilh a theih ding maw ka thuanthu
Hngilh ni na um theih si lo
Ruahnak sungah na khat
A tak ahcun i hlat
Theihthiam a harmi
Na tongkam in i buaiter
Zaanmang tiang duhthu ka lo hlan
Ka duhdawtnak hi na hrang ka hlan ko nan
Na hnawng hrih ding maw.
[Verse 2]
Duhthusamnak lawng maw
Na hrang pumpek ka zuamnak ih laksawng
Ka lo duhnak a rei zo nan
Kan duhawk caan a rei si lo
Ruahsan ding hman an hlo zo
Valdang tang in i biak caan ah
Na ngainuam talah duhthu ka lo sim hrih ding
Co ngah theih lo beiseinak i neihter hi
A tawk thlang lo maw tuarnak mitthli.
[Bridge]
na tongkam khat te khal ka hrangah
Hlimnak a tling nan
Ka duhdawtnak lehpi in ziangtik tiang
Na hlimthei ding
Zaantin duhthu ka lo hlan
Thli lakah hloral ding maw an rak si
I tul caan teah hmaisong lo ten
I be hrih ko aw ka lo sawn theu ding.
