Bawipa Kaa Lawm
(Lyrics)
Key: C
[Verse 1]
Bawipa ka nunnak le sining, mitthlam in ka thlir in a lang
Ka ṭhatnak le duh nunnak pakhat hmanh, ka hmu kho lo fih nung ka rak si nain
Na hnakar ah na ka tenh i, ka nun lamthluan ṭuanvo na lak
Nihin ni tiang ka nunnak cu na ven, I lam na hruai, aw.. Bawipa kai lawm..
[Chorus]
Mi si lo ding mi ka si i, Eiawk tlak lo ei awktlak na ka ser
Hi ka ruah ah lawmhnak mitthli a luang, Aw.. hnawmpon chung in na ka cawi i
Hi ka cantawk sining ah na ka chiah, Ka lung a tling, aw.. Bawipa kai lawm..
[Verse 2]
Ka thikhat le rualhawi tampi, thihnak thlanhmual liammi an tam
Zawllung cungah an mi tial a si cang, siseh kei cu nihin tiang na ka ven
A can ah dam lo zawtfak in, sizung sibawi panh caan a um
Siseh nang nih na ka umpi caah, damnak ka hmuh, aw.. Bawipa kai lawm..
[Verse 3]
Tilian meikangh tihnung lak le, thlichia totho ka tawn caan ah
Bawipa na kut cak in na ka ven i, nihin ni tiang nungdam in na ka chiah
Zingkhat le zaankhat te hmanh zong, rawlṭam in na ka chiah bal lo
Fenh le eih zong zohchia kenh hru loin, na kan pek ko, aw.. Bawipa kai lawm..
[Verse 4]
A hochar hlawm tong lo minung, a ka char lawmtu Bawi Jesuh
Zeitin dah hlawt in hnu kan chit khawh lai, ka caah Nu can le Pa can na si
Puan bang hnol cia hnuchit siang lo, ka rei kiangpawng ah thlarau in
Na ka umpi i Nau bang na ka oih, ka hna a ngam, aw.. Bawipa kai lawm..