Hmualpho In A Kan Chia Lo
(Lyrics)
Key: Db
[Verse 1]
A caan ahcun Bawipa hnu zulh hi lungdongh caan a tam
Pathian fadawt kan si kan ti ṭung, sifah harnak lawng kan in
Vawlei mi hmanh nih an duh herhmi zeizong te an ngei
I lawmhnak in an khah ka hmuh ah, thinlung in ka vuivai tawn..
[Chorus]
Sihmanhseh a tu ahcun Bawipa aw ka pemh ve cang
Chaw in rummi si loin nun in rummi ka si ee
Hi leiah ro a khawngmi si lo van ah khawn piakmi
Kan si i lei kan nun chung zongah, mualpho in a kan chia lo..
[Verse 2]
Mi pakhat nih vawlei pumpi hi co dih hmanh sehlaw
A nunnak thlarau a sungh ahcun, zei tal a ṭhahnem hnga maw?
Taksa ram leiah sifak santlai lo kan si zongah
Zungzal nunnak ngeitu kan si hi, aw.. a va sunglawi hringhran..
[Verse 3]
Jesuh Khrih an sin a um nain tilet pi a tho
Thlichia tilet cungah nawlngeitu, a si zia langhter a duh
Amah bochan le hngatchan zia kan thiam khawhnak ding caah
A caan ahcun thlichia le tilet zong, kan nun nih a ton ṭheu tawn..
[Verse 4]
Pun zamtertu le karhter tu a si zia pemhnak caah
Pil king le ramcar ah mi tongnga, a hruai i rawl a dangh hna
A caanah rawlṭam tihal mangṭam zong nun nih a ton
Jehovah Jereh tum cop Pathian, a kutcak a langhter tawn..