A Bia Ah Mangṭam
(Lyrics)
Key: Ab
[Verse 1]
Ram chungah mangṭamnak caan a tlung cang lai
Rawl ca i mangṭam le ti ca mangṭam si loin
Bawipa bia theih duh ca i mangṭam cu a tlung cang lai
Bawipa ni a nai cang ee timhcia in nan um cang maw?
[Chorus]
Maw hawi dawt Khrih nunnak na ngei cang maw
Zaan a dih dengmang cang i khua a dei dengmang cang ee
Muihnak rian cu hloh usih ceunak in thuam cang usih
Velngeihnak caan a dih deng Bawipa ni a nai cang ee.
[Verse 2]
Mi tampi nih Bawipa bia theih duh ruangah
Rili in rili tiang chaklei in nichuak lei tiang
Bawipa bia kawl ah ka kip ah tli ko hna hmanhsehlaw
Cu ni ah nungak tlangval hna tihal in an thi lai.
[Verse 3]
Hi tlukin a nganmi khamhnak thawngṭha hi
Zei rel loin kan um ahcun kan luat kho lai lo
A tu caan hi caan ṭha bik khamhnak conak ni a si
Dinnak in rawlṭam tihal mi cu mi thluachuah an si.
[Verse 4]
Nihin hi kan caah caan ṭha bik a si
Thaizing kiptuh ti hlah kan nunnak caan kan hngal lo
Minung nunnak cu pangpar bang chikhatte an uai lai
kan nunnak a dongh hlanah Bawipa sin kir cang usih.
