Lunglawm In Kal Chin Uh
(Lyrics)
Key: F
[Verse 1]
Vawlei caan a dongh tikah, Jesuh nih hi tin a chim
Noah buan chukcho bang khan, mi vialte cu an nung lai
Pathian bia chim len zongah, zeihmanh ah an rel ti lo
Bawipa biakam a tling cang ee, kan caah tih a nungtuk..
[Chorus]
An kal sual cang an ti, Pual nih cun hitin a chim
Mihrut ko kan lo ee, minung hmuh ning ahcun
Van lam a si ko tiin, hmuh fiangtu kan ca ahcun
Lunglawm in kal chin uh, Jesuh he tonnak a si..
[Verse 2]
Jesuh nih mitcaw pa cu, voikhat lawng a tongh tikah
Zoh hmanh seh a hmu fiang lo, thingkung he ai lo a ti
Voihnihnak a tongh ṭhan i, fiang tein a hmuh khawh bang
Voihnih hrin lomi zumtu cu, Thlarau mitcaw mi an si..
[Verse 3]
Atu lio zumtu pawl cu, kal sual ko hi an ṭih cem
Pentecost ni hun thli hmanh, khuaruahharnak thil a tlung
Meizik he ai lo mi lei, nih cun a tongh cio hna i
Thlarau in an khah dih tikah, zu an ri tiah an ti hna..
[Verse 4]
Prophet Joel chim bang in, Bawipa biakam cu a tling
Nan fanu fapa hna nih, langhnak zong an hmuh tak cang
Tar zong nih mang an manh cang, thlarau mit in hei cuan law
Kal sual in na hmuh mi nun hi, Jesuh he tongmi an si..
