A Cat Kho Lo Mi Dawtnak
(Lyrics)
Key: C
[Verse 1]
Hi vawlei ah hin a fekmi dawtnak
An um lo nu le pa dawtnak zong
U le nau dawtnak zong a fek lo
Nu le va le chungchuak fa zong
A fek mi dawtnak an um lo
Sihmanhsehlaw a fek
A hmun i a cat kho lo dawtnak
Cu Bawi Jesuh dawtnak a si.
[Verse 2]
Fapa tlau pa cu a pa dawtnak
Hlam in mitthli he a ṭap ruangmang
Ka pa aw na dawtnak a sungbik
Ka nunnak nih ti bang a hal
Sual ngaihchih in kaa rak kir ee
Na sin ka um lio kha
Ka ngai ee ka pa ka celh hrim lo
Na sinum tel ah ka hmang ko.
[Chorus]
Hi tluk misual mi thurhnawm keimah hmanh
A ka dawtu ka Bawipa Jesuh
Lainawng suam hmang hlawh hlang zong
Hlaw siang loin dawtu cu
Ka Bawi Jesuh Khrih a si
Misual ca a nun aa pek
Ka thih ai ah thihnak fakbik a in
Cil an chak keimah ruangah.
[Verse 3]
Aw.. a tlau cia mi misual kei hi
Na dawtnak ṭangah na ka pom i
Ka hal lo thluachuah na ka pek i
Pomhlawmtu Bawi na dawtnak hi
Ka phut le ka tawk lo a si
Ka lunglawmhnak bia hmanh
Na sinah chim zia ka thiam ṭung lo
Lawmhnak mitthli tu a luang ee.
[Verse 4]
Siangpahrang fa ve lo bangin maw
Vok rawl kuang hramah caan ka rak hman
Ka ruahah ka celh hrim lo Bawipa
Fihnung rimchia in ka vakvai
Ka ruat ngam lo ee ka Bawipa
Na ṭha tuk ee kei cah
Na thlarau puan dawh na ka vorh i
Na rim hmuinak cu na ka hrawmh.