Jesuh Kan Dawt
(Lyrics)
Key: F#
[Verse 1]
Misual mipalh mithuarhnawm ka si lio
Mi nih zeirel lomi ka si lio ah
A ka dawtu le cohlangtu Bawi Jesuh cu
Zeitindah hnuchit in ka hlawt khawh lai
Ka nunnak dihlak le ka sining hi
Aa ta ka si i ka ta aa si ve cang..
[Chorus]
Jesuh kan dawt, kan tleihchan ko
Ka taksa le Thlarau nunnak caah luhlohtu
Ka u le nau le nu le pa nih
Lungdong in hnu an chit mi kaa si
Ka sualnak hmuhpiak loin cohlangtu ka Bawipa..
[Verse 2]
Hi vawlei ah pangpar rimhmui an tam
Ka Bawi Jesuh iang khotu an um lo
Kan caah rim thawbik le rim hmuibik na si
Hitluk misual mithuarhnawm bik kei nih
ABA ka pa ti kan auh khawh hi cu
Ka phut le tawk lo thluachuah a si Bawipa..
[Verse 3]
Vawlei mi nih ka sual ka palhnak le
Ka tlin lonak le chambaunak an hmuh
Nang nihcun miding miṭha ah na ka cohlan
I phuhrunnak zeihmanh ka ngei ti lo
Miding mifel miṭha hna hmai zongah
Thih tiangin ka aupi lai na dawtnak kong..
[Verse 4]
Hi vawlei i thil zeizong vialte le
Van dum cung i thil phunkip han zong nih
Ka Bawi na dawtnak he ṭhen khotu um lai lo
Zawt le fahnak ṭihnung hna le
Rawlṭam tihalnak le mangṭam hna zong nih
Bawipa na dawtnak he ṭhen khotu um lo..
