Nun Duhdim Pe Khotu
(Lyrics)
Key: Db
[Verse 1]
Ka nun tihal riamnak
Hnangam deihnak kawl in
Vawlei ah hin kan vakvai tawn
Ram ṭha ram nuam zongah
Chunglei nun hna a ngam lo
Sui ngun chawva in cawk khawh si lo.
[Chorus]
Nun duhdimnak pe khotu aw
Nazereth Jesuh
Nangmah ahcun hnangam deihnak
Lawmhnak a um
Na thladem ah kan hupphen law
Kan ralhruang ṭha aw
Kan i dawrnak Zion lungpi
Kan himnak na si.
[Verse 2]
Chunglei le lenglei ah
Ral doh ding hi a tam mu
Mah le mah ral
Tuk thiam hi a har ee
Kan minung sining ah
Ṭhatnak tuah kan duh nain
Minung ṭhawnnak
Cun kan mualpho tawn.
[Verse 3]
Pathian pennak chungah
Tukforhnak thli a hrang i
Hneksaknak zong
Tilet bang a tho tawn
Kaanan ram chung ral cu
A teitu caah laksawng
Zumtu nun hi
Theihthiam a har ko.
