Damnak Tling
(Lyrics)
Key: E
[Verse 1]
Taksa in dam lomi nih
Vawlei siibawi an herh bang
Thlarau in dam lomi hna nih
Van lei siibawi Jesuh kan herh
Vawlei siibawi hna nih cun
Chikhat damnak an kan pek
Siseh vanlei siibawi nih cun
Zungzal nunnak a kan pek.
[Chorus]
Rukcuk hma tuarin dam lo
Isarael mi hna nih cun
Moses darrul zoh mi lawng nih
Damnak tamtling cu an rak hmuh
Satan cuk dam lomi nih
Thlarau in kan damnak hnga
Zumhnak in Jesuh panh ve law
Damnak tling cu na hmuh lai.
[Verse 2]
Isarael miphun hna nih
Bawipa bia bantuk in ee
Jerikoh ral hruang nganpi cu
Voi (7) an hel i a cim
Bawipa bia cu zumtu mi
Ca cun ral teinak a si
Bawipa bia cu kan himnak kan
Ral hruang ṭha bik a si ee.
[Verse 3]
Thinghmui zawtnak in zawmi
Naman ralbawi pa cu ee
Damnak duh ah Jordan tiva
Voi (7) a kholh i a dam
Bawipa bia cu kan taksa
Kan thlarau damnak a si
Jordan ah damnak a um lo
A bia ah damnak a um.
[Verse 4]
Taksa thinlung thlarau ah
A dam lomi nan um maw
Zumhnak in Jesuh panh ve law
Damnak tling cu an pek ko lai
Kum (12) chung thi chuak mi
Zong nih damnak a hmuh cang
Zumhnak in cohlang mi hna nih
An zumhnak bang in an dam.
