Ngakṭah Dawtu
(Lyrics)
Key: E
[Verse 1]
Sakhrang ral tongmi tilim nufa bang
Nupa ngei lo nun hi a har hringhran
Nuhnuk thlum le pa an ka thlum hlam in
Mitthli he ni le caan kan rel tawn ee.
[Chorus]
A fak hma bang kan tuar tawn ee
Vawlei a pit van a sang
Ka u ka nau ka nu le pa tiin
Auh ding ngei lo nun hi a har hringhran.
[Verse 2]
Fimnak siang run in sang le kai kho lo
Mi zoh hawi hngar nun hi a har tuk ee
Hawi dawt kan duh hawi herh kan herh ve tung
Aw a har ee nu lo ngakṭah si hi.
[Verse 3]
Nu le pa mui te hmanh hliah manh loin
Lei kan sem cu a har ka ti lio ah
Kan ca Samaria mi ṭha pa bangin
Dawtu nupa ṭha bik ka ngei cang ee.
[Verse 4]
Atu ahcun ṭah kan bang ve cang lai
Nu pa unau van kan hai ti lai lo
Dawtu Jesuh dawtnak in dawtu ṭha
Nupa unau a tu cu kan ngei cang.