Kum Thar Nisung
(Lyrics)
Key: G
[Verse 1]
Kum le caan le ni le thla hna cu
Tlaih khawh loin nifa an liam lengmang
Kum hlun ni le thla an liam i
Ni thar, thla thar, kum thar a chuak than ee
Maw kum hlun aw dam tein mangtha mu..
[Chorus]
Kum thar ni sunglawi kan phan cang ee
Bawipa min cu thangthat in um ko seh
Hmailei kan nunnak lamthluan hi
Bawipa duh ningin lam kan hruai law
Taksa thinlung thlarau damnak kan pe..
[Verse 2]
A liam cia caan ruah ah lung a leng
Tape-khuai bangin Khirh than an thiam tung lo
Nihin kan ton mi vialte hi
Thaizing ahcun tuanbia an cang te lai
Auh len zongah san a tlai ti lai lo..
[Verse 3]
Kan tuah tawnmi thil tha lo hna le
Kan nun ziaza a tha lomi vialte
Kum hlun nih liampi dih cang seh
Kum thar bang Khrih ah nunning thar in
Nun zuam usih kan nunnak liam hlan ah..
[Verse 4]
Hawidawt kum thar zeitin na don lai
Pumsa duhnak maw thlarau duhnak dah
Vawlei pumsa duhnak hna cu
Chikhat ca lawng zungzal thihnak an si
Thlarau duhnak zungzal nunnak a si..
