Meifaar
(Lyrics)
Key: F#
[Verse 1]
Kan phak rih lomi, hmailei nun
Zaanṭim a luan tiang tiam in ee
Kham awk an ṭha lo kan kar ah
Aa semi duhdawtnak par hna
Zaanṭim ah ngai in
Zingkhuan in ka hlam mi dawtnak.
[Chorus]
I lungsak dih cang hnu
Kan lam aa dan hnu thinlung dam hnu zongah
Philh thlu khawh asi hrim lo
Chinchiah mi hlan lio kan ṭuanbia cu
Leet khawh asi hlei lo
A thar in afak lai ka hngalh
Hmanhseh law neh zuun khirh in
Lileen kaa hne tawn
Zaanttim dai ah
Kan kar dawtnak cu a kangh ṭha i
A dih tuan mi meifaar.
[Verse 2]
Kham awk ṭha lomi dawtnak par
Khirh awk ṭha loin uai riang maang
Aduai cang mi zaihla aw hna nih
A kuai ciami thinlung an hlau ṭhan
Ruahnak ah caamcim
Santlai kho ti lo mi vutcaam.
[Bridge]
A kangh ṭha i adih a tuan
A hakkau i adih tuan
Kan hman ṭi mi caan hna
I ngaihchih awk um lo
Hmanhseh cim asi lo
Ṭian lai ṭihphan lio caanah
Tleng dang ṭhu bangin kan thinlung
A hlaat aii;
Kan kar dawtnak cu a kangh ṭha i
A dih tuan mi meifaar.