Kanaan Ramnuam
(Lyrics)
Key: C
[Verse 1]
Israel mi hna these ramcar ah
Moses nih a rak hruai lio hna khan
Shur ramcar chungah nithum an kal i
Ti zeihmanh an hmu lo
Cerhkha hmun an phan din awk ṭha tung lo
Zeidah kan din lai tiah an zai
Moses cu Bawipa sinah thla a cam
Cerhti thianhnak caah..
[Chorus]
Awlokchong vansan kan ton caan le
Ṭah aihram in lungretheih caanah
Israel mi bupi bangin vuivai len hlah u sih
Bawipa nih a kan kamhmi Kanaan
Ram nuam kan phak hlan cu hawidawt hna
Lungkhat puin thlacam hna usih
Bawipa Pathian hmai ah..
[Verse 2]
Sin ramcar chungah Israel mi hna
Moses le Aron cungah an zai
Egypt ramah khan sabel hram ṭhu in
Kan duh tawk rawl kan ei
Hi ramcar ah hin rawlṭam tihal in
Thi dingah na kan chuahpi an ti
Nunhlun ram Egypt Sabel ngai in maw
Kan vuivai ṭhan tawn hna..
[Verse 3]
Zumtu hawikom dawt u le nau hna
Rephidim hmun i a phunzai mi hna
Horeb lungpi chung a luangmi cerhti
Thiang a dingmi hna le
Sin ramcar chung i van in a tlami
Minte le Mana eimi hna nih
Bawipa cu an doh an phunzai caah
Kanaan ram an phan lo..
