Lanhtak Zaanriah
(Lyrics)
Key: F#
[Verse 1]
Filipi thong chungah Paul le Silas cu
Zaanmui ah cikcin he Bawipa an thangṭhat
Cucaah thong in kutka pi ai hung i
Thongtla vialte hrennak cikcin an tla dih
Zumtu nun cu chun khua ceu ah si lo
Harnak le tuar innak khua mui chungah
Bawipa thangṭhat nun a si..
[Chorus]
Zumtu nun cu soisel le thangchiattu hna
Dohtu le raltu kan ngeih lio caanah
Vuivai in ṭah nun si lo
Kan ral hmaiah tuukhal ṭha Jesuh nih
A kan hnunmi rawl paoh lunglawm tein
Ei le din khawh nun a si..
[Verse 2]
Lanhtak zaanriah cu an kha he ei a si
Zumtu nun cu a thlum alnak lawng si lo
A tuar le a innak hrawmhpi nun a si
Amah ruangah thangchiat dodal kan ton cun
Hallelujah Bawipa tu thangṭhat ko
Kan phut le kan tawk lo thluachuah a si
A roco tufa kan si..
[Verse 3]
Joseph cu khur thukpi chungah an thlak ca’h
Cung sangpi ah Pathian nih cun a hlorh ve
Thlahtu le lamhtu hi midang si loin
Kan dawtmi le hawikom ṭhabik an si tawn
Vuivai loin Bawipa tu thangṭhat ko
Bawipa nih hlorh le cawisan a kan duh
Vuivai in um hrimhrim hlah..
[Verse 4]
Steven cu lungin an den i an cheh
Maw ka pa aw an sual ngaithiam hna a ti
Dotu ca thluachuah hal khawh nun kan ngei maw
Raltu ca thlacam piak khawh nun kan ngei maw
Fapa Jesuh a keneh zultu cu
Thih le cah le dong caan kan phak tiang khi
Thluachuah pek khawh nun a si..