Nun Chung Aa Dawmi Nuva

Nun Chung AA Dawmi Nuva
(Lyrics)
Key: Bb

[Verse 1]
NU- Val vialte lakah ka thim hlei khun mi
A ka daw biktu le, nang bang theithiamtu ding mi
Val dang hrim an um lo, nang lawng na si ee.

PA- Dawtmi far hniang na kutza ka chan law
Ka tangnem cungah pom in
Nang ca zumhtlak in ka nung lai
Dawtnak biazai phai buin kan leng ti lai.

[Chorus]
Chanchung tiang in a fekmi dawtnak he kan leng ti lai
Chiat ah chiat ti le, that ah that ti in nun kan hmang ti lai
Cung Pathian sin thlacam in khrihfa chungkhar kan dir ti lai
Kan biakamnak zungzal in zuangzal tiang hmunseh
Khat le khat zumh awk, tlak in kan nun kan hmang lai
Kan karah then kho tu, thil zeihmanh um hlah seh
Thihnak lawng hi kan then kho tu si seh law
Nunchung a dawmi nuva tha si, kan i zuam lai.

[Verse 2]
PA- Pathian nih pekmi ka thluachuah sung bik
Ka ruh in lak mi ruh, ka sa in lak mi sa cu
Nang mah hi na si ee, pumkhat kan si cang.

NU- Pathian nih a muisam keng in ser mi
Ka ta nangmah lawng hi mu
Kei ca bochan tlak bik na si
Na dawtnak in ka hum zual zungzal ko mu.

[Verse 3]
NU- Semnak run inn chuahtak in na sin ka ra
Kei ca ta can si law,zeizong vialte kal tak in
Na sin ka ra ee, sem cawi ti ding in.

PA- Nupi tha tampi an um ko nain
Nangmah nih na lonh dih hna
Bawipa tih mi nu si hram law
Kei ca bawmtu tha ka si piak zungzal mu.