Lawmhnak Kumthar

Lawmhnak Kumthar
(Lyrics)
Key: A

[Verse 1]
Ni le thla le maw kum cu an liam i
Nithar thlathar kumthar cu kan phan cang
Sisehlaw dawtmi cheukhat hna bel cu
Kumthar niceu hmu kho lo
Sian lo buin leidang tangah an ciam i
Dairial cang ai hna ee.

[Chorus]
Maw lawmhnak kumthar
Ngaihchiat mitthli puan luhun piaktu kum si law
Thluachuah bongmal za he kan leng
Thihnak darking aw theih loin
Lawmhnak tlangpar kaipitu kum sihram mu.

[Verse 2]
Kuan le zen tihnung ral phunkip lakah
Thinphan awlawkchong vansang in kan um
A liammi an liam a kalmi an kal i a tang rih mi te hi
Chungtling lo hmanh sih nang nih
Kan telpi in kan kalpi mu Jeush.

[Verse 3]
Chun ah minmei le zaanah meiceu in
Na min Israel mi na hruai hna bang
Kum tluan chuak kan hruai in kan kalpi mu
Maw Cungnung Bik kan Pathian
Kumvui kumthar thlathar nithar
Tiang kan hruai mu kan thlah hrimhrim hlah mu.

[Verse 4]
Rili cung sangphawlawng bang hnabei in
Kum le caan a hmang dingmi kan si ca’h
Kan hmaiah zei kan ton lai kan hngalh lo
Cuca’h kan nunnak zeizong
Kan hman dingmi kum le caan le
Ni le thla hi na kut ah kan i chanh ee.