Mi Khamhtu A Ra

Mi Khamhtu A Ra
(Lyrics)
Key: C

[Verse 1]
Khuasik dapti lakah phaizawng parte nih ee, mikip thinlung hlauter
Kik zilthli thiang te nih Christmas thla phak a kan theihter
Zalam le chumtual hna dawh in tamh cio hna maw, a thlum khun December
Tlengkhatte ah thu in Bethlehem par dawh kan tlaan.

[Chorus]
Lungkuai le ngaihchia mi vialte, i lawm tuah u
Kan caah mi khamhtu, Bawi a chuak cang
Aa hngilh mi vialte i hlau u, a tlu mi tho u
Kan caah luatnak darkhing, tumtu Messiah a ra
A pennak cu zungzal a hmun lai.

[Verse 2]
Zun tuar le zun ngai in a taphram kan um maw, chungtling lo kan um maw
Ngaihchiatnak puanlu khuh hawhpiaktu Khrih a chuak cang ee
Thinlung innka hong in kan nunnak cio ah, Khrih chuahnak hmun pe in
Amah cu kan uktu le Bawi si zungzal seh.

[Verse 3]
Vanmi hlaremh dawh nih lei le van cul maw, lei ah remnak leng seh
Tuukhal hna sin ah ee thawngtha sung bik phuan a si cang
Nichuahlei mifim hna naute sin phakpitu, lamhmuhsaktu arfi
Kannih zong kan hruai law naute ton ve kan duh.