Christmas Nisung

Christmas Nisung
(Lyrics)
Key: F

[Verse 1]
Zeiruat lo le zei hngal lo lungmawng in kan rak len lio caan zongah ee
Cungchin mangbawi dawtnak in lei ah hin a rung chuak cang ee an ti
Vawlei mi vialte hna lunglawm in thangthat sih
A par rimhmui nih khuaza lei kili tiangin ee cul dih seh law.

[Chorus]
Christmas nisung aw kan liamtak rih hlah
Liam lai kan siang lo kan siang hrim lo ee
Hi bang kumvui ni sungah nuam le lawmin
Kan hmang kho te hnga maw
Nihin nisung lawi hi nuam tein hmang hna sih
Vawlei rimhmui tertu par mikip kan nun cio ah
Hung kan leng law.

[Verse 2]
Tuukhal mi hna sinah ee vancung mi hna au thawng cu a thang cang ee
Tuzan hrimrhim ah hin ee nan khamhtu cu a chuak cang ee an ti
Zilthli bangin hrang lan cang ee nihin tiangin
Vanbawi fapa mikhamhtu nihin ah ee a chuak cang ee an ti.

[Verse 3]
Awlawkchawng in um ai ee Herod siangpahrang cu merem kho hrim lo
Vanbawi fapa hung chuak cu lei do ral bangin ee kawl len hna maw
Siseh Bawi hrinhniang cu an hmu kho hrim lo ee
Darbang in an khuai kho lo Ramah khua chungah ee hram thawng a thang.

[Verse 4]
Arfi zoh thiam mifim han lam hmuhsaktu arfi aw kan hruai cio law
Tlau than ti lo dingin ee Betthlehem khua leiah kan hruai cio law
Thlarau thinlung mit in hmu ve kho dingin ee
Sualnak Herod lam lei cu zul ti lo dingin ee hung kan hruai law.