Nun A Kan Cawnpiak
(Lyrics)
Key: F#
[Verse 1]
Harnak hmete ton caan le
Harnak ngan deuhh ton caanah
Ka minung hawi nih Pathian
Dantatnak a tuar an ka ti;
Mitthli he ka ṭah caan le
Lungretheih ka tuar caanah
Pathian nih hnu a chit cang
Tiin an ka phai ṭheu tawn..
[Verse 2]
Thluachuah hmete co caan le
Chawva tlawmte ngeih caanah
Satan nih chaw le va in
A hlen i a thluk cang an ti;
Sifak in ka um caan le
Rawlṭam in ka um caan ah
Pathian fa ve lo bang in
Tiin nun an ka tah tawn..
[Chorus]
Ka sualnak le palhnak bangin
Pathian nih kan let dih seh law
A hodah a hmaidir ngam lai
Kan sualnak let in a ngan
Mi a dawtnak vel chungah
A kan khum i dawtnak in
Nuntu a kan cawnpiak tawn..
[Verse 3]
A kan dawtu kan Pathian
Ngeihchunh a fa dawtnak hi
Huat ruangah a dantat ding cu
A kan siang, a kan siang lo ee;
Nifa nun a kan cawnpiak
Dawtnak in a chimhhrinh
Nun tampi ngeih kho dingin
Nifa training a kan pek..
[Verse 4]
Tuukhal ṭha Jesuh Khrih cu
Ramhring le dinh hmun ti pawng
A kan hruaitu lawng si lo
Harsatnak khuamui hawrthuk le;
Kan ral hna hmaikaa zongah
Ti le rawl petu a si
Kan tonmi zeizong kip hi
Jesuh sin lawng in a si..