Nun I Khah Lo cun

Nun I Khah Lo cun
(Lyrics)
Key: Eb

[Verse 1]
Lei ah hmual ai khat mi va cu tleng khat ah an thu ti
Lawm in zai an rel ti thing tian par an tlan ti
Lei ah nun ai khat mi thlarau fadawt vialte han zong
Biatak tlengah kan thu i van Bawi kan thangthat ti.

Chunglei nun i khah lo ahcun, nu le va hmanh ih khan dal ah
Lawmhnak a tling kho lo, a baumi a um peng
Chunglei nun i khah cun lenglei vunnak vunrang um lo
Holh i thei lo buin chnglei nun in kan i komh kho.

[Verse 2]
Thankawng le fiakfai va aw khi cawn in thiam mi si lo
An ngeih mi aw a si Bawipa pek mi a si
Biathlum bia al le bia nem khi cawnchom in si loin
Zumtu nunah kan ngeih ding le kan hman dingmi a si.

[Verse 3]
Ti um nga khi ti chung um ruangah nga an si hlei lo
Nga an si ruangtu ah ti chungah an i lawm
Lawm in a lammi paohpaoh hi thlarau mi kan si lo
Thlarau mi kan si ca tu ah Bawipa cu kan thangthat.

[Verse 4]
Judah miphun an si ruangah meiphu in an luat lo
Bawipa an lawmhter ca lawmhnak a pek ve hna
Khrihfa phung le zumhtu si paohpaoh in a si lo i
Bawipa lawmhtertu cu Bawipa nih a lawmhter ve hna.