Khua A Dei Than Lai

Khua A Dei Than Lai
(Lyrics)
Key: D

[Refrain]
Maw Bawi Jesuh ka aunak ngai tuah
Midang kha na auh tik hna ah ka lanh tak hin hlah.

[Verse 1]
Nihin ka nun hi Joseph bang khuacar chung le
Harsatnak khuamui chungah thlak mi sihmanh ning law
Cungnung Bik ka Pathian nih a ka hlaw lo
Ti ka hngalh caah ka lung hna a ngam peng
Ka Pathian a ka hmuh dih ti ka hngalh.

[Chorus]
Zaan caan cu a dih lai i zingkhua a dei than bangin
Ka caah khua a dei than ko lai ka hngalh
Ka vui i ka vai lai lo ka hrum i ka ai lai lo
Thaizing niceu nih ka mitthli an hnawh lai
Thaizing khi ka ca’h lawmhnak ni a si lai.

[Verse 2]
Nihin ah ka nun hi thlichia le tilet lakah
Um hmanh ning ka pawngah Jeush a um ti ka hngalh
Amah cu ka auh lai i kei ka tonmi
Thlichia le tilet cu an dai dih than lai
Amah he ka nun lamthluan kan kal ti lai.

[Verse 3]
Nihin ah ka pawngah mi thangkhat thi hmanh hna seh
Ka velchum ah thonghra zong thi in ciam hna hmanhseh
Bawipa cu ka ralhruang tha bik a si caah
Ka thin a phang i ka thla a lau hlei lo
Ka nun i ka dam ka luatnak Bawi a si.