Ka Nun Ka Dam Chan Jesuh

Ka Nun Ka Damchan Jesuh
(Lyrics)
Key: D

[Verse 1]
Hi lei tahnak in mirum le mingei milian si tung i
Jesuh nang an philhtu si nakin cun
Hi lei tahnak in sifak si hmanh ning
Jesuh Khrih nang an ngeitu ka si hi
Ka hna a ngam i ka lung ai lawm ko
Ka caah ngeih lo awk tha lo cu nang na si.

[Chorus]
Sunghzatlak puicim um kho lo ro sungbik Jesuh ka ngeih hi
Ka lung a hmui lei chawva sui le ngun ka ngeih lo zongah
Ka zei poi lo Jesuh zeizong ah ka zeizong te
Ka thluachuahnak cerh tinung cu na si
Ka nun i ka dam chan cu Jesuh Khrih na si.

[Verse 2]
Hi lei tahnak in mifim le mithiam cawngsang si tung i
Jesuh nang an philhtu si nakin cun
Hi lei tahnak in mihrut si hmanh ning
Jesuh Khrih nang an ngeitu ka si hi
Ka hmai a hngal i ka lung a tling ko
Ka caah a pakhatnak cu Jesuh na si.

[Verse 3]
Ka nunak caah ka herhmi thil hi a tampi nain
Ka ngeih khawh lo zongah a poi hrim lo
Siseh ngeih lo awk tha lo mi thil cu
Ka Bawipa Jesuh Khrih lawng hi a si
ka nunnak ah a biapi bik na si
Cucu ka ngeih ca’h hnangam lawmhnak in ka khat.

[Verse 4]
Zawt le fah caanah sui le ngun chawva le hlawn thil hna nih
Damnak pe khawh lo caah an hrum ai ee
Siseh ka ngeih mi Jesuh Khrih nih cun
Ka zawt ka fah caan ah kei ka caah
Sii bawi lianngan a ka si piak caah
Damnak a ka pek i nihin ni tiang ka nung.

[Refrain]
Lei tahnak in sifak nauta ka si
Lei tahnak in hawitluk lo si hmanh ning;
Ka zei poi lo Jesuh zeizong ah ka zeizong te
Ka thluachuahnak cerh tinung cu na si
Ka nun i ka dam chan cu Jesuh Khrih na si.