Ka Van Kutka

Ka Van Kutka
(Lyrics)
Key: D

[Verse 1]
Ka khualtlawnnak vawlei
Ka vahvaihnak ramah
Hanngamnak hmun hi ka hmu kho lo
Ka thinlung hi sual nih
Tlaihhrem in a uk tawn
Ngaihchiatnak ram hi chuahtak ka duh

[Chorus]
Ka ca i sermi ram van kutka i awng law
Sunparnak ram nuam le dawh cu phak ka duh ee
Ka van inn nuam kutka atu ah i awng law
Vawlei ram chuahtak in a tu ah luh ka duh.. Ohh.. Ooo.

[Verse 2]
Nifa tein cu ram
Phak lai kei ka ruah ah
Ka thinlung lawmhnak in a khat tawn
Ka tlanhtu Bawi duh nung
Ka khamhtu ka hmuh lai
Lawmhnak in a khat mi ram ahcun.

[Verse 3]
Hi vawlei cung harnak
Zawtfah kan ton caan le
Ngaihchiatnak vansan kan tawn caanah
Lungdong in ka um tawn
Kalnak lam hngal lo in
Cunglei van khi zoh in ka tap tawn.

[Bridge]
Rili cung i khualtlawn mi sangphawlawng bang
Thlichia tilet ka hmai ah chunmui tlung seh..Ohh..
ka tih lai lo lungdongin ka um lai lo.. Ohh..
Ka van inn nuam cunglei khi ka zoh lai i
Cung mu vanlai bang thla in ka zuang te lai
Oh.. Cung mu vanlai bang thla in ka zuang te lai..