Ngaihthiam Nun

Ngaihthiam Nun
(Lyrics)
Key: F#

[Verse 1]
Zeizong vialte nakin a zerbik mi cu
Minung lungthin a si tiah cathiang nih a ti
Cu minung lungthin cu ho nihdah hngalh khawh lai
Damh khawh lo tiangin a zaw cang
Hmanhseh Pathian nih fa dawt na lungthin kha
Ka pe law tiah a kan ti
Nan sualnak han cu kan ngaihthiam cang hna lai i
Rocotu fadawt nan si cang a kan ti.

[Chorus]
Ngaihthiamnak cu Bawipa ta a si
Ngaihthiamnak loin remnak um kho lo
Keimah nih kan ngaihthiam hna bangin
Pakhat le khat zong i ngaihthiam uh
Mi nih kan cung i an sual tikah
Kan ngaihthiam hna bangin
Kan sualnak kha kan ngaihthiam law
Nangmah nih na ngei mi
Lungthin bantuk kha ka ngeihter law
Midang cungah ngaihthiam khotu
Ka si ter.

[Verse 2]
Peter nih Jesuh cu ka unau pakhat khat nih
Ka cung sual tuah mi voi zeizah dah ka ngaihthiam lai
Voi sarih si loin voi sawm sarih voi sarih
Na ngaihthiam hna lai Jesuh nih a ti
Minung sinak in cun ngaihthiam khawh a si lo
Bawipa nih a kan pek lo cun
Khrih thlarau nih cun kan lungthin kha a thlen i
Mitthli tla in ngaihthiam nun a kan cawnpiak.

[Verse 3]
Sual man cu thihnak huah dingmi hmanh kha
A biakam let in ngaihthiamnak in a kan luatter bang
Pakhat le khat nan sualnak i ngaithiam uh law
Cu ti lo cun bia a kan ceih lai
Vawlei kan nun chungah hin i ngaihthiam uh
Thih hnu pinlei cu a herh ti lo
Khrih nih a kan dawt bang i dawh hna usih
Thih hnu ruak kung cungah ngeih chih lo dingin.