Zingnu Muicuang Ka Nu
(Lyrics)
Key: C
[Verse 1]
Leicung ah hin ka rak semka tein
A ka daw biktu ka nu
Ka nu na paw chung i ka um lio tein khan
Na ka conglawmh cang kha mu
Um thut siarem loin na ka pawi nain
Hmaipanh tein na ka zohkhenh
Fadawt kha dam tein hmuh lai ngeih buin
Zingnu sin thla na cam tawn.
[Chorus]
A ka dawbik tu ka nu
Na cungah kan i lawm ee
Na fa le ca’h tiin maw
Ni fatin in rian na ṭuan tawn kha
Na ṭhazaang le nunnak dihlak
Chuah in a kan cawmtu ka nu na dawtnak hi
A sunglawi tuk ee
Cham khawh lo nu dawtnak
Dongh ni ngei lo nu dawtnak
Kan cung Pathian nih lunun ngandamnak
Thluachuah in pe seh tin na fa kei nih thla ka cam
Ka nu, ka nu, ka nu, aw.. ka nu.
Na cungah kan i lawm ee
Ka nu thlacamnak theipar
Chungkhar cungah a luangliam.
[Verse 2]
Nganfah tuar bu le thlankhur tlang dir buin
A ka hringtu ka nu
Na temtuarnak vialte kha na ka hmuh tikah cun
Na philh i an lo dih tawn mu
Na dawtnak ṭangnem cungah na ka pom i
Dawtnak mit in na ka zoh kha
Fadawt nunnak caah hnukthlum hang dinh in
A ka cawmtu ka nu aw.
[Verse 3]
Zungzal nunnak ka hmuh khawhnak ding caah
A ka cawnpiaktu ka nu
Nang nih fimthiamnak ngei loin um hmanh law
Na fa le fimnak na kan cawnter
Na nunnak dihlak in zuuri bantukin
Fa le caah thla na cam tawn
Bawipa bochan buin a kan nunpi tu
Zingnu muicuang ka nu aw.
[Ending]
Ka nu, ka nu, ka nu kan in dawt tuk ee
Ka nu thlacamnak theipar
Chungkhar cungah a luangliam.
