Hna Ngam Nun An Ngei

Hnangam Nun An Ngei
(Lyrics)
Key: F

[Verse 1]
Titsa minung i hmanthlak cu
Thlarau mifa hna hmanthlak cu
Nifa a nunnak thei par in a lang
Titsa mi cu ka in an chim
Thlarau mi cu nun in an chim
An nun hmangin Jesuh a lang
Thlarau fa le cu..

[Chorus]
Titsa mi hna i rumnak cu
Vawlei sui, ngun in an ṭah caah
Zeitluk tamin an ngeih zongah
Hna a ngam kho lo
Thlarau mi hna i rumnak cu
Fapa Jesuh Khrih nun a si
Vawlei thil ah an buai ti lo
Hnangam nun an ngei..

[Verse 2]
Titsa mi hna i an mit cu
Midang sual hmuhnak ah an hman
Midang ṭhatnak le felnak an hmu lo
Thlarau mi hna i an mit cu
Nifa an chambaunak an hmu
Thlarau ngun vainam cu hmang in
Chung lei ral an do..

[Verse 3]
Titsa mi cu an nunnak ah
Harnak ti lian a tlun tikah
Pathian sin ah vuivai bia an chim tawn
Thlarau mi cu an nunnak ah
Harnak tilian a tlun tikah
Pathian ka ca rem ruat a si
Lawmhnak bia an chim..

[Verse 4]
Titsa mi cu midang sinin
Thangṭhat upat cawnglawmh an duh
Siseh Pathian mi le fa hna nih cun
Thangchiat sawisel an tong tikah
Mupi bangin ṭhazaang an la
Pathian thangṭhat upat an pek
Lawmhnak in an khat..