Zingnu Kut Zungrem Lairam
(Lyrics)
Key: C
[Verse 1]
An hnuai hlei ee Zingnu kutzung rem
A langhnak ee semnak lai lungrawn
Khua rem hninghniang
kikzil thli hrannak cerhtikik putnak
Par tin an corh i an parnak hmun
Ram lian le maw ramtha minthang nih
An ngeih khawh lo tlang farkung le zong
Laimi ca Zingnu pekmi ro an si.
[Chorus]
Nauta kan si lo ee lai miphun
Kan semnak ti bang vun tlor ahcun
A lian mang bawi hrin pei kan si cu
Lungpang chuak ee ti fimte kan si
A dum a var miphun hawi lakah
Laimi kan zak lo lei killi ah
Zingnu sang hlei cawimi kan si ve cang.
[Verse 2]
Vui hlah u law sempi u le nau
Tluang chin a pang unau hna ruangah
Khupbil in ee Zingnu Pathian sin
Bomtin zaa sawm uh
Joseph bang ee miphun cawmtu le
Mangnu Esther lung tin fim bang in
Kan ram damnak rammi cawmtu ah
Zingnu sang hlei cawimi pei an si cu.
[Verse 3]
Tlangpar sang ee lennak chuahtak in
Nelrawn a panh unau hna ruangah
Vui hlah u law thingbor thladem bang
Ram zohtu an si
Lennak hmun le hma dang ko hmanhseh
Thing bangin ee kho in lungkhat ah
Mei bang alh in ti bang luangti sih
Zingnu Pathian pennak cu kan chin seh.
[Verse 4]
Judia ram Belthlehem khua hmete
Lei ah min snag cawi in a um ee
A chung mangbawi khamhtu ee Mesiah
Chuahnak hmun a si
Laimi sang cawitu mangbawi Jesuh
Lei killi ah ee min than tertu
Maw Israel Pathian kan Pathian
Laimi he then khawh si lo ee Jesuh.
[Verse 5]
Miphun dang ngeih lo rosung kan ngei
Laimin chawng ee tilim sia dawhte
Van lai arfi thlataang pa bangin
Bih zuun len usih
Chokhlei, senri vau ruang par dawh nih
Lai hnitial le ton lo an hluan ee
Ho nih iang lo zingnu bong tin ee
Mal zaa sawmmi ram cu lairam a si.