Vawlei Phung le Pathian Phung
(Lyrics)
Key: Bb
[Verse 1]
Na sualnak le na palhnak bang
A kan lehrulh hrimhrim lo
Kan sual ai ah a tuar i
Kan thih ai ah a thi mi
Hi vawlei phungning in cun
A si kho hrimhrim lo ee
Siseh Pathian dawtnak phungin
Misual ca miding a thi.
[Chorus]
Maw ka dawt ṭha te’n ruat hmanh
Tuukhal ruangah tuu thih cu
Hi vawlei phunglam a si
Nihin ni tiang a tlau lo
Sihmanhseh phungthar Jesuh
Tuukhal ṭha i dawtnak cu
A tuuruun hna kan zawnruah ah
Kan tuukhal tu a thi ee.
[Verse 2]
Fa upa i roco cu
Lei minung phung a si ko
Siseh Pathian phungning cun
Fahniang nih ro kan co ee
Kutka rocotu kan si
Fa upa taksa si lo
Fa hniang thlarau ram lei nungin
Thluachuah pekmi fa kan si.
[Verse 3]
Sal nih a bawi hmai kun cu
Hi vawlei phung a si ko
Siseh Pathian dawtnak phung
Hi unau na ruat bal maw
Misual nang le kei tangah
Bethlehem ah a chuak i
Chirhserhmi tlangpar ah an thlai
I luukhun in a cat ee.
[Verse 4]
Hi bang a dawtnak sung hi
A theitu lawng si loin
Vawlei kal ningin si lo
Pathian duhnak cu zoh in
Taksa duhnak nun kal in
Thlarau duhnak zulh thiam in
Nung buin nitin kan thi ee
Bawipa sunparnak caah.
