Vansang Mu Bang Kan Leng Za E
(Lyrics)
Key: C
[Verse 1]
Pathian siam kan hrangah ramthar mawi cu
Nunnak thiang Bawi Jesuh daihnem nuam ah
Tlencia mi kan cawl e thisen zarah
Kalvary nehnak zihla sain.
[Chorus]
Hosana thangṭhat zai an bang lo
Tuu fano lallennak runinn mawi cu;
Eden hawnthil thlan ah kan vui zo
Kumkhua hrang thosal nawn lo dingah.
[Verse 2]
Nunnak ti thiang a luang in cawm kan nun
A kumkhua tihal nawn lonak a si
Aw unau man loin dawn za usih
Leiram tikha in nawn loin.
[Verse 3]
Duhdawttu Khrih thinlung puanvar sinin
Dawrnak leh tlawnnak nunmawi thuamaw in
Thuthang ṭha ram thar nun sang cu phel in
Mai’ hrang nun theih hngilh caan a si.
[Verse 4]
Felnak thing lungpi Khrih cungah phun mi
Thlisia ruahpi khal in in nuai hmanhseh
In caktertu a si Khrih ah kan nun
Vansang mu bangin kan leng za ee.
