Tuanbia Roling
(Lyrics)
Key: E
[Verse 1]
Fur naidaw, fikfa thohmuai cangvut lakah
Cin daam bu ih zaunak hmanh ngei lo
Lungkua le thintang lakah tintling canah
Sianghnuai i tlinh in merem kho tawn lo maw
Thaizing kan nun zei a lawh lai
Ti ruah ah ngeih lah in
Thihnak nunnak ri karah dir hna maw.
[Chorus]
Ram le miphun ca nunthap in hmaisuang riantuantu hna
Chin nusal pasal ṭha hna, Chin mi kan um chung
Philh awk ṭha loin, nan len min ṭuanbia ah aa tial chih cang.
[Verse 2]
Sunghno nu, chuan rawl lumsa te zanmang tiang
Manh phanh in pawtam rilṭam hna maw
Ṭhadi le zaangbat tuk caanah run inn nuam
Ihkhun cungah ih zau ngai tuk tawn maw
Nuam thlaimai chungkhar tling tein
Lenti caan ngai tawn lai
Khupthi kom rual hlam ruangmang tawn lai mu.
[Verse 3]
Meithang le chum nih rak zeilh tawn mi kan ram
Tu ahcun zaan mangchia ko kan hluan
Zenkhu le bomb khu inn lo kangh meikhu nih
Kan ram te cu khuh in zel dih cang maw?
Chimpit vansang ai in kan tuar
Hacang rial mitthli he
Kan ram cuan ah lung le thin nih celh lo.
[Chorus]
Kan ram kan khua
Inn le lo vialte khanghpiak hrawhpiak in
Soksaam dih ko hna hmanhseh
Kan ruahnak thinlung an kan hrawk kho lo
Kan ṭhazaang thawnter chintu an si.
[Chorus]
Kan ruahchannak
Thaizing niceu dawhte kan phak hlan tiang
Hnukaar khat hmanh pil loin
Eirial pacan cun, hmai kan fong chin lai
Maw chinmi teinak kan hmuh hlan tiang
Ram chung le ram leng,
Kan lungfahnak nih
Chin miphun pumkhat ah a kan canter
Tuanbia roling kan ṭial ti hna lai.
