Thluachuah Phurtu Kum
(Lyrics)
Key: E
[Verse 1]
Zawt le fah dam lonak, rai ṭihnung tam hmanhseh
Ka bawi le kut cakin, him tein na ka ven ca’h
Ni le thla le kum thar, ceunak a ka phakter i
Kum hlun liam riangmang, kumthar thlathar chungah
Na kut in a ka hruai..
[Chorus]
Mangṭha ruangmang law, maw a hlun kum aw
Sungh le zatlaknak le vanchiatnak vialte
Liam riangmang cang law, maw a thar kum aw
Thluachuah vanmi za he lawmhnak kan phur law
Taksa lei thluachuah lawng si lo
Thlarau lei thluachuah zong
Kum thar aw kan phurh law
Kan mitthli hul cang seh
Kan thilrit kan chawng law
Kum thar bangin nun thar cang seh..
[Verse 2]
Na kan kalpi lo cun, kan kal ngam lo tiin
Moses nih cun a ti, Chun ah minmei tawm hmang le
Zaan ah mei ceu hmangin, Isreal mi na hruai hna bang
Na tel locun kum thar, kan kal ngam ve lai lo
Rak kan kalpi hram mu..
[Verse 3]
Dam lomi ca damnak, ngaihchiatmi ca lawmhnak
Thawngtlami ca luatnak, lungkuai mi ca hnemtu le
A thlummi kum si law, rimhmui mi kum si hram law
Kan ca’h hnangamnak le thluachuah za kan phurtu
Kum dawh si hram ko mu..
[Bridge]
Maw a thar kum, aw a rauh hlan
Ah kum hlun na si ṭhan lai
Kan phak dih hnu, thar dang innka
Chung ah dam tein kan luhpi
Chungkhar tling in
Kut tlau lo tein kan hruai hram mu..
