Thlarau Le Minung Sinak

Thlarau Le Minung Sinak
(Lyrics)
Key: D

[Chorus]
Aa pumsa duhnak lo ah tu ahcun
Thihnak kha a zuun lai i
Thlarau lo tu ah a tuh si ahcun
Thlarau nih zungzal nunnak kha a pek lai
Cuca’h thatnak tuah tu kha ba hna hlah usih
Kan ngolh lo ahcun a theitlai kan zuun
Caan kha a phan ve theu te ko lai mu.

[Verse 1]
Kan nunnak ah a domi ral pahnih an um i
Cu hna cu kan minung sinak le Thlarau sinak a si
Thlarau nih nan nun lam kha hruai sehlaw
Nan minung sinak nih duhmi thil kha
Zul lo dingin Cathiang nih a kan cawnpiak.

[Verse 2]
Thlarau nih a chuahter mi hna cu
Dawtnak lawmhnak daihnak le
Lungsaunak zaangfahnak thatnak le
Zumhawktlak mi sinak
Toidornak le mah le mah uk khawhnak
Phorhlawt ruamkainak hna hi Si lo
Pakhat le pakhat thian hun tal i
Hnahchuahawk a si lo.

[Verse 3]
Khrih Jesuh ta a si mi nih cun
A minung sinak nih khan
Tuah a duh tawnmi thil le
Pumsa duhnak kha a thah
An nun kha amah duh ning hmang loin
Thlarau hruai ningtu in an kal ca’h
Pathian thlarau nih a hruai mi hna cu
Pathian fa le an si.

[Verse 4]
Minung sinak i tuah mi cu
Nu le pa sualnak le
Aa thurhnawm mi thil hna le
Dawhcah lomi thil an si
Siaser biak doih le eih hna le
Pakhat le pakhat an i ral i
Hnahchuak thinhun zertialnak hna le
zuri hna hi an si.