Thisen Man Fa Dawt
(Lyrics)
Key: F
[Verse 1]
Vawlei minung kan i tah ning ahcun
A kan bawmtu le kan caah
Santlaimi lawng kan dawt ton hna
Kan ca thil ṭha a tuahkhotu hna lawng
Upat le hmaizah kan pek hna
Thleidannak puankhar kan zar tawn.
[Chorus]
Jesuh khrih nih cun vailamtah cungin
Thleidannak puanzar a kan thlek piak cang
Aho hmanh a mah a zumtu caah
Vancung kutka dawh cu aa khar bel lo.
[Verse 2]
Minung vialte hi Bawipa Jesuh nih
Aho hmanh thleidang ngei loin
Vailam in tlanhmi kan si ee
Minung hawi nih zei rel lo mi hna le
Zohchuk le nautat mi hna zong
Khrih thisen man fadawt kan si.
[Verse 3]
Dawtnak ruangah vailam cung an thlaimi
Jesuh Khrih dawtnak ruah ah cun
Mah ca’h lawng nun ngam ding si lo
A kan dawtnak nih vailam ah a thlai
Cu dawtnak partlanh mi vialte
Dawtu caah na nung lai maw?