Thisen Dawtnak
(Lyrics)
Key: Bb
[Verse 1]
Eden dum in a tlau cangmi hawidawt nang le kei hi
Pathian ral ah kan mah tein kan rak i ser
Sihmanhsehlaw a fapa thihnak thawngin;
A thisen rianṭuannak thawngin a dawt bikmi
Pathian hawikom ṭha ah a kan ser cang..
[Chorus]
Hallelujah a sungtuk ee thisen dawtnak thawngṭha thi sung hi
Thangṭhat usih thisen cawkmi fa le hna nih
Pengkip le ramkip ah cul dih seh law
Thisen tlanhnak thawngṭha kan aupi lai
Vawlei dongh hlan tiangin..
[Verse 2]
Vawlei cung i a ummi minung vialte hna hi
Pathian hmuh ah fihnung puanchia kan si
Sihmanhsehlaw a fapa thisen ruangah;
Puanchia, cangcel bantuk kan nunnak cu
Duhnung bikmi nu nah a kan ser cang..
[Verse 3]
Mipa pakhat sualnak ruangah Pathian dawtmi minung
Misual kan si sual man thi ding kan si
Sihmanhsehlaw a fapa thisen thawngin;
Sual man a thi dingmi a kan tlanh cang
Zumhnak thawngin hmuhmi laksawng a si..
[Verse 4]
A hlatpi vailam cungin a luan Khrih thisen aw
A thang misual bikmi ka thinlung ah
Ka fadawt te aw saram thisen si lo;
Keimah thisen in na sualnak vialte
Kan ṭawlpiak cang kan khamh cang a kan ti..
