Ṭhatnak Sual
(Lyrics)
Key: A
[Verse 1]
Satan hlennak kan ramah tilet thlichia bang a hrang
A khuasaknak hmun nuam cu ṭhatnak sual hi a si
Hi sualnak nih mi tampi thinlung ah rian a ṭuan
Ṭihnung bikmi ṭhatnak sual nih kan ram a cul dih ee..
[Chorus]
Dinfel dingah kaa zuam tawn ka sualnak a lang chin
Aw.. mi lungretheih ka va si dah
Ṭhat ka timhnak thinlung hi vailam ah a thi cang
Khrih ṭhatnak lawnglawng hi ka ṭhatnak a si ee..
[Verse 2]
Lucifer ruahnak thinlung hi zeitluk in ṭha hmanh seh
Pathian mit hmuh ah sual hramthawknak hmasa a si
Satan nih Eve chungah ṭhatnak ci cu a tuh
Mi khua hmuh duhnak thinlung nih sualnak chungah a hruai..
[Verse 3]
Peter bangin Bawipa ca ṭhatnak ka tuah caan ahcun
Van phanh dingah ka ruah tawn thlacam zong ka lungtho chin
Ka tuah khawh lo caan ahcun Hell lei ah ka tla tawn
Tuah hau lomi Khrih ṭhatnak nih ka nunnak a ka hruai..
[Verse 4]
Chia le ṭha hngalhnak thinkung cu Satan ziaza a si
Ka tuahmi sualnak lawng hi Satan ziaza ah ka ruah
Ka tuahmi ṭhatnak zong hi Satan ziaza a si
Khrih tel lomi ṭhatnak vialte ṭhatnak sual cu a si..
