Sunpar Ka Pek Chin Lai

Sunpar Ka Pek Chin Lai
(Lyrics)
Key: Eb

[Verse 1]
Tha chin ka rel deuhdeuh Bawipa dawtnak hi
A lian i a va ngan hringhran kei caah
Nikhat hnu nikhat le thlakhat hnu thlakhat lawng si lo
Kumkhat hnu kumkhat in nihin ni tiang
Domh le tlai tu a si kilveng tu a si,
Zing le zaan mualpho siang lo tein
Cawm le kengtu Bawi Cungnung Bik cu a si.

[Chorus]
Maw ka nunnak le maw ka sining dih lakin ka thangthat ko lai
Thangthat a tlakzat hmanh in ka thangthat khawh lo hi a poituk ka ti
Biaknak inn le pulpit lawngah thangthat loin
Ka um kalnak hmun kipah Bawipa cu
Thangthat in ka conglomh peng ko lai
Sunpar ka pek chin lai dawtu ka Bawi cung nung.

[Verse 2]
Ei le din ding tirawl a ka petu le
Ei khawhnak damnak zong petu Bawi a si
Zaanah mitkuh thaw tein thlimtu zong a mah a si
Zing niceu le thlifim thianghlim zong
Man pek hau lo a lakin hmantertu Bawi
Hallelujah Bawi cung nung na dawt
Nak hi a lianngan tuk hringhran kei caah.

[Verse 3]
Mirum milian ngeih mi ka ngeih lo zongah
Mah le can tawk tein hni le puan fenh eih
Zohchia khenhru loin chiatu zong ka Pathian a si
Mit hmuh khawh le hna theih khawh ka si i
Ka duh ka herhnak hmun kal kho ka si hi
Keimah thawnnak a si lo Bawi cung
Nung i dawtnak a si ti ka pemh chin ee.

[Verse 4]
Nupi le maw pasal fanu le fapa
Tu le fa rosung le ka chungkhar dihlak
Ka inn le lo ka zoh hna i Bawipa dawtnak a lang
Tukhal tha bang tuanvo latu le
A thiangthunh le tanbo in kilvengtu cu
Ram hring le dinh hmun tipawng te ah
Hruai le kiltu a si Bawi cung nung Jesuh.