Semnak Lairam

Semnak Lairam
(Lyrics)
Key: Ab

[Verse 1]
Hngilh ni a um lo ee, semnak kan lairam te
Thlangkawl vairang ramah leng hmanning la
Kan lairam fing le tlang hring dildel zilthli thiang
Lennak le zo tithiangte a luannak.

[Chorus]
Hngilh ni a um lo semnak lairam te
Tlangsang ram tuu nelrawn kuamtin tiva
An mawinak in lung in len
Lungsung ah hngilh ni um lo
Dawtnak parnak hmun semnak lairam te.

[Verse 2]
Thal can hung suak khin fing, le tlang khi hei cuan in
Hmuntin laihang cumci an zam riangro
Zilthli thiang a hung hrang, thing kip hnah tin an til
Parmawi tinkim an par lai lungrawn ah.

[Verse 3]
Rianram tuan va suah khin, ramsa phun tinkim in
Leivak vanleng tinkim lungrual tein
Hmuntin le ramtin ah zaihla aw sawn aw in
Kan lairam zai le hla mawi in an awi.