Semnak Khuadawh Tlanglo
(Lyrics)
Key: E
[Intro]
Aw.. ka ngai lungrawn khua
Tlang lo khua ka ngai ee
Fingtlang nelkuang hrawn le
Humkat tlang Bethel le
Hawikom rual he lenṭinak zalam kha;
Nehhnu khirh zawn ah khin
Lenpi hawikom rual kha
An tling ti hnga maw ee
Bau cang hna lai ka ti
Lungleng riangmang khirh awk nih ṭha ti lo..
[Verse 1]
Semnak lungrawn khua dawh te kha
Ka ngai ka ngai ruangmang ee
Hawikom rual he kan lenṭi tawnnak
Nehhuar kai ai cang lai ee ka ti
Tluangdang ram ṭha nih tluk hlei lo
A cawmkenmi kei ka caah
Nehhnu khirh in hawidawt
Kan leng ṭi ṭhan hna lai..
[Verse 2]
Tluangdang in ee kan phai ṭheu tawn
Semnak khuadawh tlang lo khua ee
Ai dawh khun ee, a nuam hlei ee
Bawipa pekmi khua dawh
Thangthar hna nih zuamchin usih
Par hlei cuang seh kan semnak khua ee
Kan pupa hna nih rak dirh hna
Ro sunglawi khua ee..
[Chorus]
Cung Pathian nih thluachuah pekmi
Kan semnak lungrawn khua hi ee
Cawi chin usih ee
Tluangdang nih hawi lenawk in
Cung Pathian sunparnak pe in
Kam lo chuncha bang dir usih
Kan pahrang cio chuah in ee
Khua le ram ca ṭuan usih ee
Sempi rual hna nih..
[Verse 3]
Kan pipu hna ro sunglawi khua
Ṭhangthar zaangaan rual hna nih
Kan fimthiamnak dihlak cu chuah in
Remh in sersiam chin usih
Khat le khat aandawh aannem in
I chawnbia usih lungrual in
Lai cin sempi bangin ee
Zaṭial tlai in leng usih..
[Verse 4]
Sikpar chuah cun chumtual rawn ah
Lungduh bia phai ṭi ṭhan hna lai
Hring dildel maw lungrawn khua ah
Leng lei val leng hna lai
Khua ruang pau cun Senri, Chokhlei
Dingdi hna nih an par ṭhan lai
Kehthei, Khuhlu hna nih zaa lai
Cuanghlei lungrawn ah..
[Bridge]
Ṭia lo ee phunnau kan si ri lo ee
Bawipa nih thluachuah bongmal zaa a pekmi
Mifimthiam chuahkehnak khua ah a sertu
Thluachuah petu Bawi cu thangṭhat chin u
Kan bih zunmi lungrawn khua ṭhangcho chin seh..
[Outro]
Tluangthuk chin ram dangah
Lengmi nih ngai ve ṭheu lai
Lenpi hawikom rial he
Hmunkhat ah nuam tein
Ti ngahring dawi liote kha ka ngai ee;
Semnak lungrawn khua
Ṭhangthar leng le val hna
Parhlei nan cuang ai ee
Cung Zingnu aw kan bawm
Zaṭial tlaiin lenṭi ṭhannak dingah..
