Ram Nuamah Kan Leng Lai
(Lyrics)
Key: D
[Verse 1]
Hi vawlei hi kan khualtlawnnak ram
Zungzal in kan umnak ding ram si lo
Ni khatkhat caan khatkhat cu
Kan chuaktak hna lai;
Zungzal in kan umnak ding ram cu
Bawipa nih timhpiak ciami vaninn ah
Kan leng lai zungzal tiangin.
[Chorus]
Kan kal lio ah harsatnak
Fahnak le tahnak tam hmanhseh
Lungdong loin Bawipa bochan buin kal usih
Retheihnak le thabatnak hna cu
Khi ni ah dongh caan an phan te lai
Zungzal hmunmi ram nuamah kan leng hna lai.
[Verse 2]
Zumtu kan nun lamthluan hi
Pangpar phahmi lam an si lo
Hling le so in khatmi nunnak lam a si;
Hmanhseh Jesuh nih a chimcia bangin
Ka hnu zulh a ka duhmi cu
A vailamtah tungput in hnuzulh hi a si.
[Verse 3]
Kamhmi ram nuambik chung ahcun
Thleidannak zeihmanh um ti lai lo
Lungkhat in khamh Bawi Jesuh
Kan thangthat hna lai:
Nihin kan tuarmi harnak hna hi
Van Jerusalem thar kan phak tik cun
Lunglawmnak petu sui luchin dawh an si lai.
[Verse 4]
Kal ciami hawidawt vialte hna le
Kan u kan nu le pa hna nih
Lunglawm te tha nuam tein an kan don lai;
Cu hmun ah cun then um ti lai lo
Khrih dawtnak par kan tlanti hna lai
Zungzal in zungzal tiangin cu hmunah cun.
