Piangthar Nun
(Lyrics)
Key: E
[Verse 1]
Piangthar pawl ih nunnak ih ummi cu
Anmah in theifiang awknak an nei
Miih an hmuhdan ah an buai lo;
Cui’ theihawknak an neihmi cu
An nunnah nitin an thumawknak
A hruaidan vek in an nun an hmang.
[Chorus]
Miih hmuhnak ih mifel si ih
Sunglam nun ih kawlawng si hnakin
Ziangih siar lomi sihman ningla
Khrih nunneitu a sunglawi ee
Bawipa ih theihmi kan si ding hi
Hih leitlun ih kan tum dingmi
Thupibik le tuah hmaisabik ding a si.
[Verse 2]
An thei cing le an theihlo caan ih
Sualnak tuah ih an um caanah
An nunnah theihter saltu an nei theu;
Sualsir in Bawipai’ kehram ah
An kuun theu sualnak an tuahpeh lo
Bawipa ah an lungawinak an co sal.
[Verse 3]
An nunhlun ih an rak nompi mi
Nunthar ah an nuam aw thei nawn lo
Thlengawknak cu hmuhtheih in an langter;
Lei thilri ruangah si loin
Bawipa ah an lungawi camcin
Neihzat te ah Bawipa cu an thangthat.
