Pathian Caah Pardawh
(Lyrics)
Key: D
[Verse 1]
Pangpar bangin a ziam dingmi kan si
A hmun dingmi kan um lo ee
Hi vawlei ah hin
Thleidannak um loin caan sin kan liam
Kan ngeih mi caan hmanzia thiam lo ahcun
Caan ṭha dang a ra ṭhan ti lo
Cu ca’h khualrang in
Pathian hmai ceu kha kawl hna usih.
[Chorus]
Pathian pekmi nunnak pakhat lawng kan ngei
Cu nunnak cu sunhsak usih
Vawlei dawhtertu pangpar ṭha maw kan si
Pathian duh dawh chiatchuahtertu
Kan sining ruatin
Aa dawh mi parṭha si zuam usih.
[Verse 2]
Hnah hlun an ṭial hnah thar an corh ṭhan tawn
Minung bel cu kan thih hnu cun
Kan chuak ṭhan kho lo
Nunnak sung pakhat lawng ngeimi kan si
Cu nunnak caan tawi te kan ngei mi ah
Midang caah santlai mi le
Zungzal hnangamnak a ngeimi si i zuam sih.
[Verse 3]
Hi vawlei cu Pathian dumdawh a si
Cu dum chungah phun dang cio in
A parmi kan si
Dum ngeitu Pathian lung kan tong cio maw?
Par ṭha lakah chiatchuahtu kan si maw
Dum ngeitu ca santlai lomi
Kan si sual ahcun
Hlawnh awk le lamh awk men kan si lai.
