Pathian An Thangthat
(Lyrics)
Key: C
[Verse 1]
Jesuh Khrih min ṭhawnnak thawngin mizeng pa cu a dam ee
A pet i a chawi ee a lunglawmhnak a ṭhutpi kho lo
Jesuh thawngin kan nung Jesuh thawngin a dammi kan si
Cucaah ṭhu kho loin amah cu thangṭhat ko usih.
[Chorus]
Isaiah chim chungmi Pathian biakam a tling thluahmah cang
Ramro le ramcar zong Saron nel le Carmel tlang an hluan
Khup a ther mi an dir kut a thlep mi hna nih kut an hlir
Hallelujah tiin Israel le Pathian an thangṭhat.
[Verse 2]
Harmon tlang i vandap Zion tlangah a sur bantukin
Thiang Thlarau vandap ti kan cungah ee a sur hnu ahcun
Nunnak chungril ah ee ṭhu kho loin fialtu thil kan ngei
Zion tlang nun cawngin miphun kip ee lawm in kan lam ṭi.
[Verse 3]
Kan Pathian thangṭhat hi chim le vuai ni a um kho lai lo
Thangṭhatawk zat hmanh in kan thangṭhat khawh lo hi a poi ee
Taksa le thlarau in a ngan a dam kan ti mi hna khi
Thangṭhat nun a ngei mi Zion fanu fapa an si ee.
[Verse 4]
Kan zuatmi uico hmanh rawl petu kha lawmhzia an thiam ee
A nunnak pumpetu lawmhzia kan thiam lo hi a poi ee
Saram fa tluk lo maw kan si kun lai maw fadawt hna aw
Kal sual tin kan ruahmi hna hi Pathian lawmhtertu an si.
