Nunnak Sangphalawng
(Lyrics)
Key: G
[Verse 1]
Minung kan nunnak hi ka ruah tikah
Thlitu nih a kenkip ah choihmi lawng
Kalnak ding lam zong hngal lomi
Sangphalawng bantuk men kan si
Minung i kan tuah khawh mi hna le
Kan i phorhlawt pimi thil hna hi
Bawipa hmai i chim ding ah hin cun
Zeihmanh lo thil men an cang dih.
[Refrain]
Cu si caah
Na nunnak hi Bawipa pe law
Amah nih him tein an kilven lai.
[Chorus]
Kan himnak lungpi Jesuh na si
Kan i dornak thladem zong na si
Nangmah hlei in dornak dang um lo
Nangmah hlei in himnak hmun dang um lo
Harnak caan zongah bawmtu na si
Ngaihchiat caan zongah hnemtu na si
Lungdongh caan zongah ṭhazaang petu
A dawtnak in kilveng zungzaltu
Na min lianngan thangṭhat si ko seh.
[Verse 2]
Hi vawlei cung kan khualtlawnnak ram ah
Minung kan nunnak sangphalawng nih hin
Kan i phorhmi thil hna ruangah maw
Rawlhralnak zong kan ton sual lai
Jesuh nih aa citmi lawng chung ahcun
Thlichia nih a vun den hna tikah
Bawipa tho law kan bawm tuah an ti
Thlichia tilet cu dai te’n an um.
[Bridge]
Lawng dawh bik hna le
Lawng ngan pipi hna hmanh khi
Ti chungah an pil lai
Minung ruamkai, phorhlawtnak
Siasal vialte hna zong an lo lai
Cu ni ah
Bawipa lawnglawng hi hlorh a si lai.
