Nunnak Lam Zulh
(Lyrics)
Key: B
[Verse 1]
Minung kan nunnak ah hin
Zulh ding lam pahnih kan ngei
Cucu thihnak lam le
Nunnak lam a si i
Thihnak lam cu a nuam
Mi tampi nih an zulh
Nunnak lam cu a har i
A zulmi an tlawm ee..
[Chorus]
Nunnak lam zulh hi a har ko
A caan ah thlichia tilet
Nih kan nun a den ṭheo tawn
Cu tei khawh nun a si
Nunnak lam cu a har ko
Ka hrum ruangmang tawn ee..
[Verse 2]
Satan nih a hneksak mi
Job nun lamthluan a har ko
A hrum ruangmang ve tawn
Ramro ram car chungah
Kan nunnak nih Job bang
Harnak phun kan ton tawn
Job bang tei khawh nun kan herh
Nunnak lam cu a si..
[Verse 3]
Vawlei kan hawikom hna nih
A caan ah a kan doh tawn
Thangchiat soiselnak nih
Kan nun nih a ton tawn
Minung sinak in cun
Tei khawh a har ko ee
Josuah ral a teipiaktu
Tei khawhnak ka pe ko..
[Verse 4]
Vawlei hi zumtu ca cun
Suithiang langhnak ram a si
Harnak tukforhnak nih
A kan den lio caan khi
Zumtu ṭha kan sinak
A langhnak ding a si
Cu caah nunnak lam zulh
Hi a har hringhran ko.
