Nihin Kan Chan Ti Luan
(Lyrics)
Key: Eb
[Verse 1]
Nihin kan chan ti luan hi
Thlarau mangṭam a tlung cang
Pathian bia nakin facebook
A rel zuam deuh mi kan tam
Pathian bia tu hnuchit in
Online ah kan buai deuh cang
Sualnak lamzul mi kan tam
Kan ngaithiam ko maw Bawipa..
[Chorus]
Kan vawlei hi hlanlio Noah chan bangin
Sualnak ti lian chungah ee
A pil mi kan tam tuk cang
Sualnak nih a karh chinchin
Zawtnak phunkip a chuak cang
Pathian biatak ti locun
Himnak hmun a um ti lo..
[Verse 2]
Zawtnak hri le rai ruangah
Biak ruun ah pum kho loin
Online in thawngṭha an chim
Thangṭhat hla kan sa nain
Micheu cu an ngai hlei lo
Zei tin hme a si ne lai
Paul lungthin a thleng khotu
Thlarau aw kan in herh ko..
[Verse 3]
Kan ram nih thawngṭha biaktak
Ti hal rawmṭam bang kan hal
Mipi nunnak a cawmtu
Elijah na hman bangin
Kan ramah thlarau tanghnak
Biatak thawngṭha sur ter law
Mikip kan nunnak cio ah
Thlarau in kan damter ko..
[Verse 4]
Ezipt ram ah kum 7
Mangṭam a rak tlun lio ah
Kum sa 7 an ngeih mi rawl
An rak khon caah an luat
Atu kan caan hna zong hi
Thlarau rawl khon caan a si
Zungzal nunnak ding caah
Daithlang ngam ding kan si lo..
