Ngakṭah Dawtu
(Lyrics)
Key: D
[Verse 1]
Maw Bawipa na kan dawtnak
Hi holh in ka chim thiam lo
Dawttlak lomi kei ngakṭah
Dawtu Bawipa
Nu le pa ngei lo ngakṭah
Kei sifak na ka dawtnak
Ka ruah ah hin ka biangah
Mitthli a luang.
[Chorus]
Bawmtu ngei lo ngakṭah kei
Bawmtu Samaria miṭha
Ngeihchiat caanah hnemtu Bawi
Jesuh na si
Nu le pa ngei lomi ca
Nu le pa ṭha bik na si
Kei ngakṭah dawtu Bawipa
Kan leng ṭhan law.
[Verse 2]
Hi vawlei hawi hna nihcun
Inn le lo thluachuah an co
Inn le lo ei awk ngei lo
Ngakṭah kei cu
Jesuh nun dah lo ahcun
Ngeihmi thil zei ka ngei lo
Cu Khrih nun ka ngeih caah
Ka hna a ngam.
[Verse 3]
Maw ka nu ka pa tiin
Auh ding ngei lo hmanhning law
Harnak caan ah Bawi Jesuh
Nang kan auh tawn
Hi lei cungah bochan ding
Hohmanh ngei lo si hmanhning
Bochanawk tlak Samaria
Miṭha kan ngei.
[Verse 4]
Vawlei mithmuh ah ngakṭah
Mi nauta sihmanhning law
Lily par dawh Khrih Jesuh
Ngeitu ka si
Lei mi nih an ngeih khawh lo
Vaan lawmhnak ngeitu ka si
Ngakṭah dawtu Jesuh lawng
Ka thangṭhat lai.
